Pharo Pick-Up Artists

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Seduction, Pick-Up, Attraction


    Build Your Rules

    avatar
    HatemFarouk
    Admin


    عدد المساهمات : 88
    تاريخ التسجيل : 30/10/2009
    العمر : 36

    Build Your Rules Empty Build Your Rules

    مُساهمة  HatemFarouk الأحد نوفمبر 01, 2009 3:04 am

    هبتدي اتكلم عن بناء قوانين لنفسك ...

    في الأول دايما الناس الناجحة في أي حاجة تلاقيهم مطورين اعتقادتهم أسلوب تفكيرهم وثقتهم بنفسهم بشكل يخليهم أقويا إجتماعيا.

    والخطوة الأولي لبناء الشخصية دي هو إحترام الإنسان لنفسه، بمعني إنه يحافظ عليها ويمنع أي محاولة ممكن تبهدل شخصيته.

    تاني
    خطوة هو انك تعمل قوانين في حياتك، الناس اللي دايما بيقولوا عندهم
    كاريزما أو طلة ، هتلاحظ إنهم حاطين مجموعة من القوانين بيمشوا عليها ،
    والناس اللي بيتعاملوا معاه كمان. تلاقي إن أراءه عي المسيطرة ، الإنتباه
    كله عليه، السبب في كده إن طريقة تفكيره بتخلي ياخد قرارات تساعده إنه
    ينجح. دايما يقول لنفسه " أنا أسلوب كلامي مثير وقوي " فياخد دايما القرار
    بإنه يتكلم الأول وبكدة يوسع دايرته، وإعتقاده في نفسه إن أسلوبه كويس قوي
    ، هيخلي عقله يعمله كل حاجة عشان ينجح.

    النوع ده من الناس تلاقيه
    ما يقبلش أي حد يحاول ينتهك قوانينه، غير إنه بيعاقبهم كمان. وكل لما يكون
    عندهم قوانين أكتر كل ما تزيد الكاريزما بتاعتهمٌ قدام الأخرين.

    مثال من قوانيني الخاصة " أنا
    مش بروح أي مكان لمجرد إن حد قالي كدة، إلا لو أنا عايز ده - أنا برفض أي
    طلب ممكن حد يطلبه مني لو أنا مش عايز أعمله ومن غير ذكر أسباب ما عدا
    أبويا وأمي - لو حد أعرفه حاول يضايقني بإنه ينادي بإسم معين أنا مش بحبه
    أو أي طريقة تانية، أقوله بلاش تعمل/تقول كدة لو عملها تاني أقوله بهدوء
    أنا مش بحب الأسلوب أو الأسم ده ولو هتعمل كدة تاني بلاش تتكلم معايا من
    الأول ..........
    ".

    لازم تعمل قوانين تحافظ بيها على
    شخصيتك وقوتك، ممكن ما يحبوش قوانينك لكن هيحترموك جدا. إبني قوانين غير
    قابلة للزحزحة.وخليهم يعرفوا إنك مش حابب ورافض أي انتهاك ليهم.

    لو
    سيبت الناس ينتهكوا شخصيتك بسهولة ، هيزيدوا من عدم إحترامهم ليك والناس
    التانية هيشوفوهم ومش هيحترموك هما كمان وهيعملوا معاك زيهم.

    وهتلاحظ
    انك لما تعمل القوانين دي هتلاقيهم من وقت للتاني بيختبروا مدى تمسكك بيهم
    ، لازم تكون صارم مع أي حد يحاول يتعدى على مملكتك " نفسك ".

    احترم نفسك وقدرها ، وقتها الناس هتحترمك وتقدرك.

      الوقت/التاريخ الآن هو الخميس مارس 28, 2024 3:23 am